गावाचे लोकजीवन

 पाथर्डे हे गाव साधे,कष्टप्रधान आणि पारंपरिक जीवन शैलीसाठी ओळखले जाते.शेती हा गावकरींचा मुख्य व्यवसाय असून,कांदा.मका,बाजरी आणि विविध हंगामी भाजीपाला यांची लागवड मोठ्या प्रमाणात केली जाते.

  गावात सामाजिक सांस्कृतिक व धार्मिक परंपरा दृढपणे जपल्या जातात.वर्षभर साजरे होणारे सन उत्सव ग्राम दैवतांची पूजाअर्चा तसेच श्रीराम नवमी व राजमाता अहिल्याबाई होळकर जयंती व महामानव डॉ बाबासाहेब आंबेडकर उत्सव व छत्रपती शिवाजी महाराज शिवजयंती हा  गावाच्या एकात्मतेचे प्रतिक मानले जाते.येथे आदिवासी परंपरा आणि संस्कृती चे जतन केले जाते.होळी,गणेशोत्सव,दिवाळी,नवरात्र यासह देव ह्या स्थानिक देवतांचे (निसर्ग) कार्यक्रम मोठ्या उत्साहाने साजरे केले जातात.

   येथील लोक ‘अतिथी देवो भाव, ह्या मूल्यांना आचरणात आणणारे आहेत. येथील लोक मेहनती लोक आहेत. तरून पिढी शिक्षण, खेळ व रोजगाराच्या संधी शोधून प्रगती कडे वाटचाल करत आहे. पाथर्डे लोकजीवनात धार्मिक  संस्कृती व पारंपारिक ग्रामीण जीवनमान आढळून यते. पाथर्डे गावाची विकासाकडे वाटचालीचे कार्य उत्तम असे सुरु आहे.

आसपासची प्रेक्षणीय स्थळे

ग्रामदैवताचे मंदिर:-पाथर्डे गावात श्रीराम नवमी  च्या दिवशी संपूर्ण गावातील नागरिक मोठ्या उत्साहाने पूजा करतात.व गावात ७ दिवसाचा अखंड हरीनाम सप्ता दरवर्षी मोठ्या उत्साहात केला जातो.

पाथर्डे गावात हनुमानाचे भव्य दिव्य असे मंदिर आहे. हनुमान मंदिर गावाची शोभा वाढवते.व येथे धार्मिक कार्यक्रम होत असतात.

हिरवीगार शेती:- पाथर्डे येथील मक्का,कापूस,कांदा या पिकांसाठी प्रसिद्ध असून येथे पसरलेली हिरवीगार शेती पाहण्यासारखी आहे.शेती हा ग्रामजीवनाचा मुख्य आधार आहे.

जलसंधारण प्रकल्प:- पाथर्डे पासूनच जवळच १२  किमी अंतरावर व गिरणा धरण हे प्रेक्षणीय स्थळ जवळच आहे 

कसे पोहचावे:-

 पाथर्डे  या ठिकाणी येणेसाठी मालेगाव येथून बस ने येता येते.